Në qytetin Goricë të Italisë u mbajt një tubim ndërkombëtar kushtuar krijuesve nga fusha të ndryshme të artit, përfshirë poetë, regjisorë, aktorë dhe studiues. Në mesin e mbi 40 pjesëmarrësve nga vende të ndryshme, regjisori nga Kosova, Dibran Fylli, u nderua me Çmimin e Ekselencës për Regji dhe Kinematografi, si vlerësim për kontributin e tij në fushën e filmit.
Çmimi iu dorëzua nga Presidentja e ngjarjes, znj. Regina Resta, në një ceremoni solemne që vlerësoi punën dhe përkushtimin e artistëve në promovimin e kulturës dhe artit bashkëkohor.
