Sporting Lisbona ka humbur trajnerin e saj, Ruben Amorim, i cili është transferuar te Manchester United këtë muaj. Megjithatë, një tjetër personazh i rëndësishëm i klubit, sulmuesi Viktor Gyokeres, vazhdon të jetë në qendër të vëmendjes.
Gyokeres, 26 vjeç, ka deklaruar se nuk ka ndërmend të largohet nga Sporting deri në verën e ardhshme, por shumë klube të mëdha evropiane janë duke e monitoruar nga afër në “Jose Alvalade”. Sulmuesi suedez ka qenë një nga lojtarët më të kërkuar këtë sezon, me 30 gola të shënuar deri tani.
Çmimi i tij aktual i merkatos vlerësohet të jetë mes 60-70 milionë euro, por duke pasur parasysh interesimin e madh nga klubet, mund të arrihet deri në 100 milionë euro.
Sipas raportimeve të mediave portugeze, Barcelona dhe Atletico Madrid janë ndër pesë klubet që kanë kërkuar vende për skautët e tyre për të ndjekur ndeshjen e Sportingu në Ligën e Kampionëve kundër Arsenalit këtë javë. Ata do të jenë të shoqëruar nga Manchester City, Manchester United dhe Bayern Munich, të cilët gjithashtu do të dërgojnë përfaqësues për të vëzhguar lojtarin nga afër.
