Në vazhdën e gjuetisë zgjedhore në diasporë, kryeministri Albin Kurti edhe njëherë nuk i ka rezistuar tundimit për të sulmuar mediat në Kosovë, gjatë fjalës së tij.
Megjithatë, këtë herë kreu i Qeverisë u tregua pak më i butë me sulmet ndaj mediave, duke mos përmendur fare “Serbinë” apo “regjimin e vjetër”.
“Në fund të fundit, ju të gjithë e dini që ne jemi përfaqësues të qytetarëve në përgjegjësitë shtetërore. Prej tyre kemi marrë edhe besimin edhe paratë. Por shumë prej lajmeve të rrejshme, prej opinioneve keqdashëse, që jepen në disa prej mediave të Kosovës, në fakt janë pasqyrim i pronarëve të tyre. Sepse, analisti në studio nuk e përfaqëson popullin, analisti në studio e përfaqëson pronarin që ia jep rrogën për me fol qashtu qysh s’folet.” – tha ai.
